काँग्रेस पक्षाच्या विशेष माहितीच्या आधारे स्पष्ट झाले आहे की भारताचे पंतप्रधान श्री नरेंद्र मोदी यांनी आपल्या 12 वर्षांच्या कार्यकाळात एकूण 94 आंतरराष्ट्रीय परदेश दौरे केले आहेत. यापैकी 85 टक्के दौरे संसद अधिवेशनांच्या काळातच झाले असून, त्यामुळे पंतप्रधानांच्या परराष्ट्र दौर्यांचा काळ संसद सत्रांशी कसा समांतर पडत आहे हे समोर आले आहे.

या दौऱ्यांमध्ये अनेकदा संसदेत महत्त्वाच्या चर्चांचा आणि निर्णय प्रक्रियेचा काळ चालू असतानाच पंतप्रधान परराष्ट्र भेटींवर असलेले दिसून आले आहे. काँग्रेसचे म्हणणे आहे की हे तथ्य लोकांसमोर आणणे अत्यंत आवश्यक आहे, कारण संसद अधिवेशन हा देशाच्या कामकाजाचा अत्यंत महत्त्वाचा काळ असतो.

काँग्रेसच्या ट्विटर पोस्टमध्ये (X) हे देखील नमूद करण्यात आले आहे की दरवेळी संसद अधिवेशनांच्या मध्यभागी पंतप्रधान विविध परराष्ट्र दौऱ्यांसाठी निघाले आहेत.

काही संसदीय अधिवेशन काळातील परदेश दौर्यांचे तपशील

1. ऑगस्ट 2014 – पावसाळी अधिवेशनात नेपाळ दौरा (3–4 ऑगस्ट).

2. मार्च 2015 – अर्थसंकल्पीय अधिवेशनात सेशेल्स, मॉरिशस, श्रीलंका (10–14 मार्च).

3. नोव्हेंबर–डिसेंबर 2015 – हिवाळी अधिवेशनात फ्रान्स (30 नोव्हेंबर – 1 डिसेंबर).

4. नोव्हेंबर 2015 – हिवाळी अधिवेशनात युनायटेड किंगडम (12–14 नोव्हेंबर).

5. मार्च–एप्रिल 2016 – अर्थसंकल्पीय अधिवेशनात बेल्जियम, अमेरिका, सौदी अरेबिया (30 मार्च–3 एप्रिल).

6. जुलै 2018 – पावसाळी अधिवेशनात रवांडा, युगांडा, दक्षिण आफ्रिका (23–28 जुलै).

7. जून 2019 – अर्थसंकल्पीय अधिवेशनात जपान (27–29 जून).

8. फेब्रुवारी 2020 – अर्थसंकल्पीय अधिवेशनात नमस्ते ट्रम्प (अमेरिका) (24–25 फेब्रुवारी).

9. फेब्रुवारी 2025 – अर्थसंकल्पीय अधिवेशनात फ्रान्स + अमेरिका (10–13 फेब्रुवारी).

10. मार्च 2025 – अर्थसंकल्पीय अधिवेशनात मॉरिशस (11–12 मार्च).

11. जुलै 2025 – पावसाळी अधिवेशनात युके, मालदीव (23–26 जुलै).

या माहितीवरून दिसून येते की संसद अधिवेशन चालू असतानाच पंतप्रधानांचे परदेश दौऱ्यांचे प्रमाण जास्त आहे, ज्यामुळे ते वेळोवेळी संसदेतील चर्चांपासून दूर असतात असे काँग्रेसने प्रश्न उपस्थित केले आहेत.